ប្រជាពលរដ្ឋប្រទះឃើញបុរសម្នាក់ដេកស្លាប់ នៅវាលស្រែយ៉ាងអាណោចអាធម ក្នុងសភាពហើម

(ខេត្តកំពង់ធំ)៖ បុរម្នាក់ត្រូវបានគេប្រទះឃើញដេកស្លាប់យ៉ាងអាណោចអាធមនៅកណ្ដាលវាលស្រែដោយសាកសពមានសភាព ហើមមើលលេងចង់ស្គាល់ហេតុការនេះបង្កឲ្យមានការភ្ញាក់ផ្អើលដល់សមត្ថកិច្ចនៅវេលាម៉ោង០៨ និង ២០នាទី ព្រឹកថ្ងៃទី០៩ ខែកក្កដា ឆ្នាំ ២០១៩នេះ នៅភូមិប៉ប្រក ឃុំស្វាយភ្លើង ស្រុកតាំងគោក ខេត្តកំពង់ធំ ។

សមត្ថកិច្ចបានឲ្យដឹងថា សាកសពជនរងគ្រោះមានឈ្មោះ រៀម រួន ហៅ វល្ល៍ ភេទប្រុស អាយុ៥២​ឆ្នាំ នៅភូមិបប៉្រក ឃុំស្វាយភ្លើង ស្រុកតាំគោក ខេត្តកំពង់ធំ ។ប្រភពព័ត៌មានពីកន្លែងកើតហេតុបានប្រាប់ឲ្យដឹងថា÷
នៅមុនពេលកើតហេតុថ្ងៃទី០៤ ខែកក្កដា ឆ្នាំ២០១៩ ជនរងគ្រោះបានផឹកស្រាថ្នាំជាមួយ ឈ្មោះ ភីសុដាហៅ ញ៉េប ភេទប្រុស អាយុ៣៦ឆ្នាំ នៅភូមិ-ឃុំ កើតហេតុ ខាងលើតាំងពីព្រឹករហូត ដល់ម៉ោប្រហែល ៨យប់ទើបឈប់ផឹក បន្ទាប់មក ឈ្មោះ ញ៉េប បានយកភួយមកអោយជន រងគ្រោះទៅដេកផ្ទះប្អូនគាត់នៅក្បែរនោះ​ដែរ ។

ប៉ុន្តែផ្ទះនោះគ្មានមនុស្សនៅនោះទេ ចំណែកឈ្មោះ ញ៉េប ក៏បានឡើងទៅលើផ្ទះដេកដូចគ្នា រហូតដល់ម៉ោង ០៣ទៀបភ្លឺទើបគាត់ភ្ញាក់ចុះមកក្រោម​ផ្ទះ​​​ ហើយបាត់ជនរងគ្រោះឃើញនៅសល់តែភួយទុកនៅក្រោមផ្ទះ មិនឃើញមានមនុស្ស ភ្លាមនោះគាត់ក៏ដើរ ទៅមើលនៅផ្ទះប្អូននៃសពមិនឃើញក៏ត្រឡប់មកសួរម្ដាយសព តែម្ដាយសពជនរងគ្រោះបានប្រាប់ថា៖មិនឃើញមកទេ ហើយបាននាំគ្នដើរកតែរកមិនឃើញសោះស្មានថា៖ វាទៅផ្ទះប្រពន្ធវាហើយ។

លុះដល់ថ្ងៃទី០៩ ខែកក្កដា ឆ្នាំ២០១៩ វេលាម៉ោងប្រហែល ៧ព្រឹក ម្ដាយរបស់ឈ្មោះ ញ៉េប
រស់នៅភូមិស្វាយ​ភ្លើង បានទូរស័ព្ទមកប្រាប់ថា៖ ឈ្មោះ វល្លិ៍ ដេកស្លាប់នៅវាលស្រែ នៅកន្លែងទួលម្រិញ ទើបឈ្មោះ ញ៉េប ទៅមើល ហើយឃើញស្គាល់ថា​៖ ជាសពឈ្មោះ វល្លិ៍ ពិតប្រាកដ្ឋមែន ។យោងតាមការបំភ្លឺពីឈ្មោះ ភី សុដា ហៅ ញ៉េបនិងឈ្មោះ រៀម រ៉េមរីន និង រួន រៀម ចិន្តា បានបញ្ជាក់ថា៖ ឈ្មោះ រៀម វល្លិ៍ តែងតែផឹកស្រាជាមួយគាត់ជា ប្រចាំ ហើយនៅថ្ងៃទី៤ ខែកក្កដា ឆ្នាំ២០១៩នេះ ជនរងគ្រោះផឹកជាមួយ ឈ្មោះ ញ៉េប តាំងពីព្រឹក រហូតដល់ម៉ោង​៨យប់ទើបឈប់ផឹកចប់ឲ្យភួយ១ទៅដេកនៅផ្ទះប្អូនគាត់នៅក្បែរនោះដែរហើយបាត់​ខ្លួនរហូតដល់ថ្ងៃទី០៩ ខែកក្កដា ឆ្នាំ២០១៩ រហូតដល់ម៉ោង ០៧ព្រឹក ទើបដឹងថា៖ ជនរង គ្រោះស្លាប់នៅវាលស្រែ ។

ក្រោយពីទទួលព័ត៌មានបានភ្លាមកម្លាំងសមត្ថកិច្ចជំនាញបានចុះមកដល់ចំណុចទីតាំងកន្លែងដែប្រទះឃើញសពហើយបានធ្វើកោសល្យវិច្ច័យពិនិត្យទៅលើសាកសពនិងសន្និដ្ឋានបានថា÷ សាកសពជនរងគ្រោះគឺស្លាប់ដោយសារស្រវឹងស្រាជោគជាំ ហើយវង្វេងបាត់បង់
ស្មារតី អត់​បានហូបបាយហូបទឹក ហូបបានតែទឹកស្រវឹងទើបបណ្ដាលឲ្យកើតទៅជាខ្យល់គ គាំងបេះ​ដូងស្លាប់តែម្តង។ ក្រោយពីបានពិនិត្យចប់សព្វគ្រប់រួចហើយសពត្រូវបានប្រគល់ជូនក្រុមគ្រួសារយកធ្វើបុណ្យតាមប្រពៃណីយ៍៕